ခေါင်းမာသော ဗပာိုဘဏ်ကြောင့် မြန်မာ့စီးပွားရေး နာလန်ထူပါ့မလား - လက်စောင်းထက်

၂၀၁၈ နှစ်ဆန်းသည်နှင့် မြန်မာ့စီးပွားရေး လောကတွင် ဘဏ်ချေးငွေများနှင့် ဘဏ်အတိုးနှုန်းထားများအပေါ် တွင် အပြန်အလှန် အငြင်း ပွားမှုများ၊ တောင်းဆိုမှုများ ဖြစ်ပေါ်လာခဲ့သည်။ ယင်းပြဿနာ၏ ပထမအစမှာ ပုဂ္ဂလိကဘဏ်များတွင် ကျပ်ဘီလီယံပေါင်းများစွာ ချေးယူထားသည့် စီးပွားရေး လုပ်ငန်းရှင်များအား  Grace Period အပြီးတွင် သတ်မှတ်ထားသော အရစ်အတိုင်း ချေးငွေများ ပြန်ဆပ်ရန် ဗဟိုဘဏ်မှ အမိန့်ထုတ်ပြန်ပြီး နောက်ဖြစ်ပေါ်ခဲ့ခြင်းဖြစ်သည်။

အကျိုးဆက်အနေဖြင့် ဆောက်လုပ်ရေးလုပ်ငန်းရှင်များက အစိုးရအနေဖြင့် ကောက်ခံလျက်ရှိသော အိမ်ခြံမြေ ရောင်းဝယ်အခွန် ၃၀ ရာခိုင်နှုန်း၊ ဘဏ်အတိုးနှုန်း ၁၃ ရာခိုင်နှုန်းကြောင့် ဆောက်လုပ်ရေးကဏ္ဍ မကြာခင် ပြိုလဲ သွားနိုင်သည့်အတွက် အစိုး ရအနေဖြင့် ကူညီပေးပါရန် မန္တလေးတိုင်းဒေသကြီး ၀န်ကြီးချုပ်ထံမှတစ်ဆင့် တောင်းဆိုမှုများမှ စတင်ခဲ့ခြင်းဖြစ်သည်။

လက်ရှိ အစိုးရသက်တမ်း နှစ်နှစ်အတွင်း အခြေခံစားသုံးသူ ပြည်သူလူထု၏ အလုပ်အကိုင်နှင့် ၀င်ငွေ ကောင်း မွန်တိုးတက်လာအောင် သိသိသာသာဆောင် ရွက်နိုင်ခြင်း မရှိသေးသလို တိုင်းရင်းသား လုပ်ငန်းရှင် (လက်ရှိ အခေါ်  Tycoon ) များကလည်း အခွန်အတုပ် ပိုမိုကောက်ခံလာ မှုနှင့် အိမ်နီးချင်းနိုင်ငံများထက် ဘဏ်အတိုး နှုန်း မြင့်မားနေမှုကြောင့် စီးပွားရေးလုပ်ငန်းများ ကျဆင်းနေရခြင်းကို ညည်းညူ လျက်ရှိသည်။ လက်ရှိအစိုးရ လက်ထက်တွင် အခွန်မှ တိုင်းပြည်၏ ဘဏ္ဍာငွေပိုမိုရရှိလာခဲ့သော်လည်း အိမ်ခြံမြေ တိုက်ခန်းအရောင်း အ၀ယ် မှ ရရှိသည့် အခွန်မှာ ၂၀၁၅ ခုနှစ်က ၁၅ ရာခိုင်နှုန်း ဖြင့် ကောက်ခံရာမှ ၁၂၂ ဘီလီယံ ရရှိခဲ့သော်လည်း ၂၀၁၇ ခုနှစ်တွင် နှစ်ဆတိုး၍ ၃၀ ရာခိုင်နှုန်းနှင့် ကောက်ခံသည့်တိုင်အောင် ကျပ် ၂၅ ဘီလီယံသာ ရရှိခဲ့သည်။ ထို့အပြင် စီးပွားရေးလုပ်ငန်း ရှင်များက ဘဏ်မှချေးယူသော ချေးငွေ အပေါ် အတိုး ၁၃ ရာခိုင်နှုန်းပေးဆောင် နေရမှုကို လျှော့ချပေးရန်တောင်းဆိုမှု အပေါ်တွင် ဗဟိုဘဏ်က ဘဏ်တိုးနှုန်း လျှော့ချမည်မဟုတ်ဟု လွှတ် တော်တွင် ပြောဆို သွားခဲ့သည်။ ထိုသို့ပြောကြားခဲ့သူမှာ နိုင်ငံတော် ဗဟိုဘဏ် ဒုဥက္ကဋ္ဌ ဦးစိုးမင်းဖြစ်ပြီး ဇန်န ၀ါရီ ၃၁ ရက်နေ့က ကျင်းပခဲ့သည့် ပြည်ထောင်စု လွှတ်တော်တွင် လွှတ်တော်အမတ် ဒေါ်သက် သက်ခိုင်၏ မေးမြန်းချက်ကို ရှင်းလင်းခဲ့ခြင်းဖြစ် သည်။ ၁၉၄၇ ခုနှစ်က ပြည်ထောင်စု မြန်မာနိုင်ငံတော်ဘဏ် အက်ဥပ ဒေဖြင့် စတင်တည်ထောင် ခဲ့သော ဗဟိုဘဏ်သည် ပြည်တွင်း၌ ငွေအပ်နှံ ခြင်း၊ ငွေချေးယူခြင်း၊ ငွေစက္ကူ ထုတ် ဝေခြင်းများ ကို အဓိကဆောင်ရွက်ခဲ့သောဘဏ်ဖြစ်သည်။ ၁၉၆၇ ခုနှစ်တွင် နိုင်ငံတော်ကထည့်ဝင်သော ရင်းနှီးငွေ ကျပ်သန်း ၂၀၀ ဖြင့် လည်ပတ်ခဲ့ခြင်း ဖြစ်သည်။ ဗဟိုဘဏ်သမိုင်းတစ်လျှောက် ၁၉၈၈ခုနှစ်မှစ၍ ဈေးကွက်စီးပွားရေးစနစ်သို့ ပြောင်းလဲရာတွင် ငွေကြေးဖောင်းပွမှုနှင့် ငွေကြေး အရည်အသွေး တိုးတက်လာရန် ဆောင်ရွက်နိုင်ခြင်းမရှိသလို ဗဟို ဘဏ်၏ အဓိကရည်မှန်းချက်များ ဖြစ်သော ဈေးနှုန်းများတည်ငြိမ်ရေးကို လည်း ထိန်းသိမ်းနိုင်ခြင်း မရှိခဲ့ပေ။ ယခု အခါ ဗဟိုဘဏ်အနေဖြင့် အစိုးရသစ်လက်ထက်တွင် ပုဂ္ဂလိက ဘဏ်များနှင့် ငွေကြေးဖောင်းပွမှု ကို ထိန်းချုပ်ရန် ကြိုးပမ်းလာခဲ့သည်။ သို့သော် ဗဟိုဘဏ်၏ ဆောင်ရွက် ချက်များကို ပြည်တွင်း ရှိ ပုဂ္ဂလိကဘဏ်များ၊ စီးပွားရေးသမားများနှင့် ငွေကြေးဆိုင်ရာ ပညာရှင်အများစုက ဟက်ဟက်ပက်ပက် ကြိုဆိုခြင်းမရှိခဲ့ပေ။ ဗဟိုဘဏ် ဒုဥက္ကဋ္ဌဦးစိုးမင်း၏ပြောကြားချက်အရ ပုဂ္ဂလိက ဘဏ်များ တွင် အပ်ငွေ ကျပ် ဘီလီယံ ၂၇,၀၀၀ ရှိပြီး Saving နှင့် Fix Depoist တွင် ကျပ်ငွေ ဘီလီယံ ၂၂,၀၀၀ မှာ အခြေခံနှင့်လူလတ်တန်း စားများ၊ပင်စင်စားများ၊ စီးပွားရေး  နှင့် ဆက်စပ် မှုမရှိသည့် ပြည်သူများ၏ အပ်နှံ ငွေများဖြစ်သည့် အတွက် အတိုးနှုန်း လျှော့ချမည်မဟုတ်ကြောင်း သိရှိရသည်။ ယင်းပြောကြားချက်သည် ဗဟိုဘဏ်က အခြေခံပြည်သူများ၏ အကျိုးစီးပွားကို ကာကွယ်စောင့်ရှောက်လိုက်သည့်အတွက် ကျေးဇူး တင်ရမလို ရှိသော်လည်း ဘဏ်များအားလုံးတွင် ရှိသော အပ်နှံငွေအားလုံး၏ ၈၀ ရာခိုင်နှုန်းမှာ အခြေခံ လူတန်းစားများ၏ ငွေများ ဟုတ်မဟုတ် ပြန်လည်ဆန်းစစ်ရန် လိုအပ်လာပါသည်။ ထို့ ကြောင့် ကျပ်ငွေ ဘီလီယံ ၂,၇၀၀ နှင့် ၈၀ ရာ ခိုင်နှုန်းသော ငွေပမာဏကို လူဦးရေ သန်း ၅၀ နှင့် တွက်ချက်ကြည့်သောအခါ လူတစ်ဦးချင်းစီတိုင်းသည် ဘဏ်၌ ငွေကျပ် ၄၃၀,၀၀၀ စုဆောင်း နိုင်သည့်သဘော ဖြစ်နေသည်။ ထိုသို့ဆိုလျှင် မြန်မာနိုင်ငံသည် ဆင်းရဲတွင်းမှ လွတ်ကင်းပြီဟု ပင် ဆိုရမည်ဖြစ်သည်။                       

 FMIနှစ်ပတ်လည် အစည်းအဝေးတစ်ခုတွင် ကြားဖူးသည်မှာ မြန် မာနိုင်ငံ၏ လူဦးရေ ၇၀ ရာခိုင်နှုန်းသည် ဘဏ်၌ အကောင့်ဖွင့်၍ ငွေအပ်ဖို့ နေနေသာသာ ဘဏ်နှင့်တောင် လုံးဝဆက်ဆံခြင်းမရှိ ဟု ဆိုသည်။ ထို့ကြောင့် ဘီလီယံ ၂၂,၀၀၀ ကို  မည် သည့် လူတန်းစားများက အပ်နှံထားလဲ၊ အတိ အကျ ညွှန်းဆိုရန် လိုအပ်လာသည်။ ဦးစိုးမင်း က ဘဏ်တိုးနှုန်း လျှော့ချပါက စီးပွားရေးလုပ်ငန်းများ၏ ကုန်ကျစရိတ် လျော့သွား နိုင်သော်လည်း အခြေခံပြည်သူများ၏ ခံစားခွင့်နှင့် စုဆောင်းငွေပမာဏကို အဓိကကြည့်ရန် လိုကြောင်း ပြော ဆိုခဲ့သည်။

ထို အခြေခံလူတန်းစားထဲ တွင် စီးပွားရေးလုပ်ငန်းများဆုတ်ယုတ်မှုကြောင့် လက်ငင်း အလုပ်အကိုင် အခွင့် အလမ်း ဆုံးရှုံးသွား ရမည့်သူများကို ထည့်သွင်းမစဉ်း စားတော့ပြီလောဟု မေးခွန်းထုတ်ရန် လိုလာသည်။ မြန်မာ့လူ့အဖွဲ့အစည်း၏ ပကတိအခြေအနေ အရ ဗဟိုဘဏ်ဒုဥက္ကဋ္ဌ၏ ယေဘုယျဆန်သော လူတန်းစားအမြင် အပေါ်လက်ခံစရာမရှိပေ။ အဘယ်ကြောင့်ဆိုသော်အခြေခံလူတန်းစားများထဲတွင် ဘဏ်သွားဖို့ နေနေသာသာ တစ်နေ့ လုပ်မှ တစ်နေ့စားရသောမိသားစု များ၊ အခြေခံဝင်ငွေ ၁၂၀,၀၀၀ အောက်ဖြင့် ရပ်တည်နေရသော မိသားစုများ၊ ကျန်းမာရေးစောင့် ရှောက်မှုနှင့် ပညာရေးအာမခံမှု လုံးဝမရှိဘဲ ရှင်သန်နေသော မိသားစုများမှာ ၇၀ ရာခိုင်နှုန်း အထက်ရှိသောကြောင့်ဖြစ်သည်။

မြန်မာနိုင်ငံဘဏ်များ၏ အတိုးနှုန်းမြင့်မားမှုကြောင့် လက်တွေ့တွင် ဆောက်လုပ်ရေးကဏ္ဍ၊ အထည်ချုပ်ကဏ္ဍ၊ စိုက်ပျိုးရေး၊ မွေးမြူရေးနှင့် ထုတ်လုပ်ရေး လုပ်ငန်းများတွင် လုပ်ငန်းများ လျှော့ချခြင်း၊ ၀န်ထမ်းဦးရေ လျှော့ ချခြင်းများ စတင်ပြုလုပ်နေ ရပြီဖြစ်သည်။ ယင်းသို့ အလုပ် ဆုံးရှုံးရသည့် အခြေခံလူတန်းစား များမှာ ဗဟိုဘဏ် ၏ အစောင့်အရှောက်ခံ အခြေခံပြည်သူစာရင်းထဲပါရန် ဘဏ်တွင်စုဆောင်း နိုင်ဖို့ ဝေးစွ၊ ဒီနေ့ဝင်ငွေမရှိလျှင် ဒီနေ့ ဗိုက်မှောက်နေရမည့်သူများသာ ဖြစ်သည်။ ယခုတင်ပြချက်များကို Survey လုပ်ပြီး ကောက်ယူပါက ရက် ပိုင်းအတွင်း သိသာထင်ရှားလာမည်ဖြစ်သည်။

ဗဟိုဘဏ်အနေဖြင့် အခြေ ခံလူတန်းစားများ၏ အပ်ငွေ ၈၀ ရာခိုင်နှုန်းဖြစ်သော ဘီလီယံ ၂၂၂၀၀ ကို ခွဲခြား စိတ်ဖြာ၍ လေ့ လာကြည့်သင့်သည်။ ဥပမာ- တစ်နိုင်ငံလုံးရှိ ပင်စင်စားများ၏ အပ်နှံငွေပမာဏ မည်မျှရှိ သနည်း၊ ကျပ် ၁၀ သိန်းမှ သိန်း ၁၀၀ အထိ အပ်နှံသောအရေအတွက် မည်မျှ ရှိသနည်း၊ သိန်း ၁၀၀ မှ သိန်း ၅၀၀ အထိ အပ်နှံသူ မည် မျှရှိသနည်း၊ သိန်း ၅၀၀ မှ သိန်း ၁,၀၀၀ အပ်နှံသူ မည်မျှရှိသနည်း၊ သိန်း ၁၀၀၀ နှင့်အထက် အပ်နှံသူ မည်မျှရှိသနည်း။ ထိုသို့အလွှာ များ     ခွဲခြား၍ အခြေခံပြည်သူများ ဖြစ်နိုင်ဖွယ်ရှိသော ၁၀ သိန်း မှ သိန်း ၁၀၀ အပ်နှံသောသူများကို အတိုးနှုန်း တစ်မျိုး၊ သိန်း ၁၀၀ မှ သိန်း ၅၀၀ အပ်နှံသူများကို အတိုးနှုန်းတစ်မျိုး စသဖြင့် တ ဖြည်းဖြည်းလျှော့ချပြီး သတ်မှတ် သင့်ပါသည်။ သိန်း ၅,၀၀၀ အထက် အပ်နှံသူများကို နိုင်ငံ တကာမှာကဲ့သို့ နှစ်ရာခိုင်နှုန်း ထက် မပိုသော အတိုးနှုန်းကို သတ်မှတ်သင့်ပါသည်။

ဗဟိုဘဏ်အနေဖြင့် ငွေ ကြေးဖောင်းပွမှုနှုန်းကို ( Annual Rate of Inflation) ကို ၄ ဒသမ ၇၉ ရာခိုင်နှုန်းနှင့် နှစ်စဉ်ငွေကြေး ဖောင်းပွမှုနှုန်း (Year on Year Inflation) ကို ၄ ဒသမ ၄၇ ရာ ခိုင်နှုန်း ထိန်းသိမ်းနိုင်ခဲ့သည့် အတွက် ကြိုဆိုပါသည်။ သို့သော် လက်ရှိ စီးပွားရေးအခြေအနေမှာ အစိုးရသစ်၏ စီမံကိန်းဘတ်ဂျက် များအပေါ် စိစစ်ဖြတ်တောက်မှု ကြောင့် ငွေကျုံ့ဝင်မှုနှင့်စီးပွားရေး မီးပေါင်ကျမှု ကြုံတွေ့နေရခြင်း ဖြစ်သည်။ ယင်း၏ အကျိုးဆက် အနေဖြင့် တိုင်းပြည်၏စီးပွားရေး      မောင်းနှင်အားဖြစ်သော စီးပွား ရေးလုပ်ငန်းများ ပြိုလဲပါက ဗဟိုဘဏ်က ထည့်တွက်မထားသော အခြေခံပြည်သူလူထုမှာ အလုပ် အကိုင်ဆုံးရှုံးပြီး အလုပ် လက်မဲ့များ ဖြစ်လာနိုင်သည့်အတွက် ကူညီ ကယ်တင်ရေး ပရဟိတအသင်း များ ကြိုတင်ထူထောင် ထားရန် နှင့် နောက်ခြောက်လအကြာတွင် ဖြစ်ပေါ်လာမည့် မြန်မာ့စီးပွား ရေး ဆိုးကျိုးများကို သတိပြုဆင် ခြင်ရန် တင်ပြလိုက်ပါသည်။

 

Category: 

Share