နိုင်ငံရေးဆူပူမှုဆိုတာ အဓိပ္ပာယ်ဖွင့်ပေးပါ - ကျော်စွာမြင့် (၁၉၈၈-၁၉၉၂ ဗ.က.သ)

ပြည်ထောင်စု သမ္မတ မြန်မာနိုင်ငံတော် အစိုးရ၊ သိပ္ပံနှင့် နည်းပညာ ၀န်ကြီးဌာန၊ စက်မှုနှင့် သက်မွေးပညာ ဦးစီးဌာန ၂၀၁၄ ခုနှစ်၊ ဇွန်လ (၉) ရက်စွဲပါ။ စာအမှတ်-စကပ/ ၂(က) ကသ-၁/ ၂၀၁၄ (၄၈၈၂)နဲ့ စည်းကမ်း ထိန်းသိမ်းရေးဆိုင်ရာ ညွန်ကြားချက်များ လိုက်နာဆောင်ရွက်ရန် ကိစ္စဆိုပြီး စက်မှုသက်မွေးပညာ လက်အောက်ရှိ တက္ကသိုလ်၊ ကောလိပ်များရှိ အုပ်ချုပ်များနှင့် ကျောင်းသား၊ ကျောင်းသူများ လိုက်နာရန် စီမံခန့်ခွဲမှု ကော်မတီ အစည်းအဝေး အမှတ်စဉ် (၈/၂၀၁၄)၏ ဆုံးဖြတ်ချက်အရဆိုကာ ထုတ်ပြန်ချက်တစ်ခု တွေ့ရှိရပါတယ်။

“အဆိုပါ ပြစ်မှုများကို ကျောင်းသား ကျောင်းသူများ ကျူးလွန်သည့် ဖြစ်စဉ်အပေါ် မူတည်ပြီး အရေးယူ ဆောင်ရွက်မည် ဖြစ်ကြောင်း အသိပေး ကြေညာအပ်ပါသည်”ဆိုပြီး ထုတ်ပြန်လာပါတယ်။

စည်းကမ်း ထိန်းသိမ်းရေးဆိုင်ရာ ပြစ်မှုများရဲ့ အမှတ်စဉ်(၁) ဖြစ်တဲ့ နိုင်ငံရေး ဆူပူလှုပ်ရှားမှုဆိုင်ရာ ပြစ်မှုများဆိုတဲ့ အသေးစိတ် ညွန်ကြားချက်များကို ဆက်လက် လေ့လာကြည့်ရာ အပိုင်း(၆) ပိုင်းခွဲပြီး အရေးယူမည်ဖြစ်ကြောင်း တွေ့ရပါတယ်။ (တက္ကသိုလ်ကျောင်းသား တစ်ယောက်ရဲ့ မိဘတစ်ဦး အနေနဲ့ သိလိုတာက နိုင်ငံရေး ဆူပူလှုပ်ရှားမှု ဆိုတာ ဘာကိုရည်ညွန်းပြီး ဘယ်လို အဓိပ္ပါယ် ဖွင့်ဆိုပါသလဲ တိတိကျကျ သိချင်ပါတယ်။ တိုင်းပြည်ကို အသွင်ကူးပြောင်းရေး၊ အမျိုးသား ပြန်လည် သင့်မြတ်ရေး၊ ဒီမိုကရေစီ အရေးနဲ့ တည်ဆောက် နေပါတယ်ဆိုတဲ့ အစိုးရသစ် လက်ထက်မှာ အရင်အစိုးရရဲ့ အသုံးအနှုန်းဖြစ်တဲ့ (နိုင်ငံရေးဆူပူမှု) ဆိုတဲ့ ဝေါဟာရကို ပထမဆုံး ကျောင်းသားတွေဆီ ပြန်လည် စိန်ခေါ်နိုးဆွ လိုက်သလို ကျောင်းသား မိဘပြည်သူ တစ်ယောက် အနေနဲ့ ခံစားနားလည်လိုက်ရတယ်။

ပထမဦးဆုံး ရှင်းရှင်းလင်းလင်း သိလိုက်ရတာက နိုင်ငံရေးဆိုတဲ့ စကားပါ။ နိုင်ငံတော် သမ္မတ ဦးသိန်းစိန်လည်း နိုင်ငံရေး လုပ်နေတာပါပဲ။ ဒေါ်အောင်ဆန်းစုကြည်လည်း နိုင်ငံရေး လုပ်နေတာပဲ၊ တပ်မတော်က ကာကွယ်ရေး ဦးစီးချုပ် ဗိုလ်မှူးကြီး မင်းအောင်လှိုင်လည်း နိုင်ငံရေး လုပ်နေတာပါပဲ။ နိုင်ငံဖွံ့ဖြိုး တိုးတက်ရေးနဲ့  တိုင်းပြည်ကောင်စားရေး လုပ်နေသူမှန်သမျှ နိုင်ငံရေး လုပ်နေတာ  မဟုတ်ရင် ဘယ်လိုဝေါဟာရနဲ့ ခေါင်းစဉ်တပ်မလဲလို့ ဒီစီမံခန့်ခွဲမှု ကော်မတီ အစည်းအဝေး တက်ရောက် ဆွေးနွေးဆုံးဖြတ်ကြတဲ့ ပညာရှိကြီးများကို မေးလိုပါတယ်။

နောက်ဆက်ပြီး နိုင်ငံရေး ဆူပူမှုဆိုတာကရော ဘာကို အဓိပ္ပာယ်ဖွင့်ဆိုသလဲ ထပ်မံသိလိုပြန် လာပါတယ်။ နိုင်ငံရေး ပါတီတစ်ခုက ပါတီ စည်းရုံးရေးတွေမှာ ကျောင်းသားတွေ မပါဝင်ဖို့၊ ကျောင်းသားသည် နိုင်ငံရေးပါတီသို့ မ၀င်ရဆိုတာမျိုးက ကျောင်းသားမိဘ တစ်ယောက်အနေနဲ့ ယေဘူယျ လက်ခံနိုင်ပေမယ့်  ဥပမာ ယနေ့ကာလမှာလို ဆင်းရဲသား ဆိုက်ကားနင်းသူကအစ အထူးကု ဆရာဝန်ကြီး အဆုံး ဖွဲ့စည်းပုံ အခြေခံ ဥပဒေ ပုဒ်မ ၄၃၆ ပြင်ဆင်ပေးပါလို့ တစ်မျိုးသားလုံး နဲ့ သက်ဆိုင်တဲ့ အရေးကိစ္စ တောင်းဆိုနေတာမျိုးကို နိုင်ငံရေး ဆူပူမှုလို့ ကင်ပွန်းတပ်မလား။ ဒီလို ကိစ္စတွေမှာ ပါဝင်ခဲ့ရင် နိုင်ငံရေးဆူပူသူ အဖြစ် အရေးယူမှာလား သိလိုပါတယ်။

ဥပဒေနဲ့အညီ ခွင့်ပြုချက်တွေနဲ့ အမျိုးသား အကျိုးစီးပွားဆိုင်ရာ လုပ်ဆောင်ချက်တွေမှာ ပါဝင်မိရင်ကော နိုင်ငံရေးဆူပူမှုလို့ ခေါင်းစဉ်တပ် အရေးယူခံရမှာပဲလား မေးခွန်းတွေ တစ်စီတစ်တန်းကြီး ထွက်လာပါတယ်။

မြန်မာနိုင်ငံရေး ဖြစ်စဉ်သမိုင်းကို လေ့လာကြည့်ရင်လည်း တက္ကသိုလ် ကျောင်းသားတွေကစပြီး တိုင်းပြည် ကိုလိုနီကျွန်ဘ၀က လွတ်မြောက်သည်အထိ အမျိုးသား နိုင်ငံရေး လုပ်ခဲ့ကြတာ သမိုင်း အမှန်တရားတွေပါပဲ။ ဒါတွေကို မျက်ကွယ်ပြုပြီး ၀ါးလုံးမှာ အညစ်အကြေးသုတ် ရမ်းသလို နိုင်ငံရေး ဆူပူမှုဆိုတဲ့ ခေါင်းစဉ်ကြီးက လက်ရှိနိုင်ငံတော်ကို အသွင်ကူးပြောင်းရေးနဲ့ အမျိုးသား ပြန်လည် သင့်မြတ်ရေး လုပ်ဆောင်နေပါတယ် ဆိုတဲ့ ဖြစ်စဉ်နဲ့ လုံးဝ ဆန့်ကျင်နေတယ်ဆိုတာ တာဝန်ရှိသူများ သတိချပ်စေချင်ပါတယ်။

အစိုးရ၀န်ကြီးဌာန၊ အဖွဲ့အစည်းတွေက လုပ်ကိုင် ဆောင်ရွက်တာတွေကို အမှန်အကောင်း သတ်မှတ်ပြီး ဝေဖန်ထောက်ပြမှု သဘောထား ကွဲလွဲမှု ဖြစ်လာတာနဲ့ အမှားလုပ်တယ် နိုင်ငံရေး ဆူပူမှု လုပ်တယ်လို့ တံဆိပ်မည်းကြီးတပ် နေရင်တော့ တိုင်းပြည်ကောင်း လာမှာ မဟုတ်တော့ပါဘူး။  

အမှန်တရားတစ်ခုရဲ့ တစ်ဖက်မှာ အခြားတစ်ဖက်ရဲ့ အမှန်တရား တစ်ခုရှိနေတယ်ဆိုတဲ့ နိယာမ တစ်ခု သတိပြုကြစေလိုပါတယ်။ နိဂုံးချုပ်အနေနဲ့ ကျောင်းသားမိဘ နိုင်ငံသား ပြည်သူတစ်ဦး အနေနဲ့ အထက်က ဖော်ပြခဲ့သလို နိုင်ငံရေး ဆူပူမှုဆိုတာကို ရှင်းရှင်းလင်းလင်း အဓိပ္ပာယ်ဖွင့်ဆိုပေးပါလို့ တောင်းဆိုလိုက်ချင်ပါတယ်။

ကျော်စွာမြင့် (၁၉၈၈-၁၉၉၂ ဗ.က.သ)

 

Category: 

Share