သူပုန်များ တိုက်ခိုက်နေသော်လည်း ယူကရိန်း အရှေ့ပိုင်း အပစ်အခတ်ရပ်စဲရေးအား ဆက်ထိန်းထား

ရုရှားလိုလားသော သူပုန်များ၏ တိုက်ခိုက်မှုများ ရှိနေသော်လည်း နိုင်ငံအရှေ့ပိုင်းရှိ ပဋိပက္ခများ ထဲတွင် ယူကရိန်း အစိုးရ၏ အပစ်အခတ် ရပ်စဲရေးမှာ ဆက်လက် တည်ရှိနေမည်ဖြစ်သည်။

အစိုးရ ထိန်းချုပ်ထားသော နေရာများတွင် တစ်ညလုံးလိုလို တိုက်ခိုက်မှုများ ရှိနေသော်လည်း မနက်ပိုင်းတွင် မည်သည့် အပျက်အစီးမှ သတင်းမရပေ။ သမ္မတ ပက်ထရို ပိုရိုရှန်ကိုက သောကြာနေ့ အထိ တစ်ပတ်ကြာ အပစ်အခတ်ရပ်စဲရေးကို တိုးမြှင့်ထားပြီး ငြိမ်းချမ်းရေး အစီအစဉ် တိုးတက်မှုများကို မျှော်လင့်နေဆဲဖြစ်သည်။ သူပုန် ခေါင်းဆောင် အချို့က ကြားလူများ ဆန့်ကျင်နေသည့်တိုင် အပစ်အခတ် ရပ်စဲရေးကို လိုက်နာမည်ဟု ပြောသည်။ ပဋိပက္ခများကို အစပျိုးခဲ့သော သမိုင်းဝင် အီးယူကုန်သွယ်ရေး သဘောတူညီချက်ကို လက်မှတ်ရေးထိုးပြီးနောက် သမ္မတ၏ ကြေညာချက် ထွက်ပေါ်လာခဲ့သည်။

ရုရှား နိုင်ငံခြားရေး ၀န်ကြီး ဆာဂျီလက်ဘရော့ဗ်က ရုရှားတီဗီသို့ အကယ်၍ အမေရိကန်ပြည် ထောင်စုသာ ပါဝင်ပတ်သက်ခြင်း မရှိလျှင် ယူကရိန်း ပြဿနာ ဖြေရှင်းရန်မှာ ပိုမိုလွယ်ကူလိမ့်မည်ဟု စနေနေ့က ထုတ်ဖော်ပြောကြား ခဲ့သည့် အပြင် အမေရိကန်တို့က ယူကရိန်း ခေါင်းဆောင်မှုကို ထိပ်တိုက်တွေ့ဆုံမှု လမ်းကြောင်းပေါ်သို့ ပို၍ တွန်းပို့နေသည်ဟု ပြောကြားခဲ့သည်။

နောက်ဆုံး ဖြစ်ပေါ်ခဲ့သော တိုက်ပွဲများ၌ ခရိုင်ဘာလူကာ နှင့် ဒိုးနတ်ဒေသ၏ အခြား အခြေစိုက် စခန်းတစ်ခုတွင် ခွဲထွက်ရေး သမားများက ခရာမာတော့ခ်မြို့ထဲသို့ မော်တာများဖြင့် ပစ်ခတ်ခဲ့သည်။ ကာကွယ်ရေးဝန်ကြီးက နောက်ပိုင်းတွင် ဒိုးနတ်ဒေသနှင့် လူဟန့်ဒေသတို့အား ပိုမိုတိုက်ခိုက် လာခဲ့ပြီး ယူကရိန်းစစ်တပ်က ဆလိုဗီယံအပြင်ဘက်ရှိ စစ်ဆေးရေး စခန်းတစ်ခုကို ပြန်လည်ထိန်း ချုပ်နိုင်ခဲ့သည်ဟုဆိုသည်။

အရှေ့ပိုင်းရှိ Donetsk People’s Republic အဖွဲ့၏ ခေါင်းဆောင်ဟု ကိုယ့်ကိုကိုယ် ကြေညာထားသော အလက်ဇန်းဒါး ဘိုရိုဒေးက ဇွန်လ ၃၀ ရက်နေ့အထိ အပစ်အခတ် ရပ်စဲရေး ကမ်းလှမ်းချက်ကို လေ့လာ စောင့်ကြည့်သွားမည်ဟု ပြောသည်။

မစ္စတာပိုရိုရှန်ကိုက ဘရပ်ဆဲလ်မှ အပြန်တွင် ထိပ်တန်း လုံခြုံရေးနှင့် ကာကွယ်ရေး အရာရှိများနှင့် တွေ့ဆုံပြီးနောက် အပစ်အခတ် ရပ်စဲရေးကို တနင်္လာနေ့၊ ဂရင်းနစ် စံတော်ချိန် ၁၉း၀၀ ဂျီအမ်တီ  အထိ တိုးမြှင့်သွားမည်ဟု သဘောတူခဲ့သည်။

ရုရှားလိုလားသော ခွဲထွက်ရေးသမားများရှိသည့် ယူကရိန်း-ရုရှားနယ်စပ်နှင့် လုံခြုံရေးစင်္ကြန် ဖြစ်သော ပဋိပက္ခ ရပ်ဝန်းကို ကြာ ခံဇုန်အဖြစ် သတ်မှတ်ရန် ပြောဆိုခဲ့သည်။

ဂျာမန်ဝန်ကြီးချုပ် အန်ဂလာ မာကယ်လ်က ရုရှားနှင့်အီးယူကို လျှင်မြန်သော အဆိုပါစီမံကိန်း အတွက် တိုးတက်မှုမရရှိခဲ့လျှင် ပြင်းထန် သောစီစဉ်မှုများကို ကြိုတင်ပြင်ဆင်ထားရန် သတိပေး ထားသည်။

လူပေါင်း ၄၂၀ ကျော် သေကျေခဲ့ပြီးဖြစ်သော ရုရှားလိုလားသော သူပုန်များနှင့် အစိုးရစစ်တပ် အကြားရှိ တိုက်ပွဲများသည် ဧပြီလ အလယ် ကတည်းက ဖြစ်ပေါ်ခဲ့သည်ဟု ကုလသမဂ္ဂက ခန့်မှန်း ထားသည်။

 

Category: 

Share