မြန်မာနိုင်ငံသို့ မှားယွင်းပို့ဆောင်မိသည့် ကွန်တိန်နာ၇၂လုံးကို ပြန်သယ်ခွင့်လျှောက်

၂၀၁၄ ခုနှစ် ဇူလိုင်လ ၆ရက်နေ့တွင် ဆိုက်ကပ်ခဲ့သည့် MV.MALTE RAMBOW သင်္ဘောဖြင့် ပေ ၄၀ ကွန်တိန်နာ ၇၂လုံးကို မြန်မာ့စက်မှုဆိပ်ကမ်းတွင် ချခဲ့သည်။

သို့သော်လည်း ဇူလိုင် ၁၄ရက်နေ့တွင် သင်္ဘောပိုင်ရှင်ဖြစ်သော MCC Transport Shipping Lineမှာ အဆိုပါ ကွန်တိန်နာများမှာ ဆိပ်ကမ်းမှားချမိခြင်း ဖြစ်ကြောင်း၊ အမှန်မှာ ရှန်ဟဲဆိပ်ကမ်းတွင် ချရမည့် ကုန်များဖြစ်သဖြင့် ဇူလိုင်၂၀ရက်နေ့တွင် ရန်ကုန်သို့ ဆိုက်ကပ်မည့် အဆိုပါ သင်္ဘောဖြင့်ပင် မလေးရှားနိုင်ငံသို့ ပြန်လည်တင်ပို့ပေးရန် အကြောင်းကြားလာခဲ့သည်။

ထို့ကြောင့် အဆိုပါ ကွန်တိန်နာ ၇၂လုံးကို ပြန်လည် တင်ပို့ပေးလိုက်ရကြောင်း၊ ယခင်ကလည်း ကွန်တိန်နာများ ဆိပ်ကမ်းသို့ မှားယွင်းချထားမှုရှိနေသော်လည်း ယခုကဲ့သို့ အစုလိုက် အပြုံလိုက် ၇၂လုံး မှားယွင်းချခဲ့သည့် ဖြစ်ရပ်မျိုး မရှိကြောင်း၊ ဇူလိုင်လ ၂ ရက်နေ့ ကစပြီး မိုဘိုင်းအဖွဲ့က အပြည်ပြည်ဆိုင်ရာ ဆိပ်ကမ်းများသို့ ၀င်စစ်ချိန်တွင် ချထားပြီးသည့် ကွန်တိန်နာများကို မှားယွင်းချထားမှုဟုဆိုကာ ပြန်တင်ပို့ခဲ့ရကြောင်း၊ အကယ်၍ မိုဘိုင်းအဖွဲ့က ဆိပ်ကမ်းသို့ ၀င်ရောက် စစ်ဆေးမှုမရှိသေးလျှင် အဆိုပါ ကွန်တိန်နာ ကိစ္စမှာ တစ်မျိုးတစ်မည် ဖြစ်သွားနိုင်ကြောင်း စီးပွားရေးသမားများက ခန့်မှန်း ပြောဆိုနေကြသည်။

 

Category: 

Share