ဥာဏ်တော် ၇တောင်ရှိ ရွှေသားစစ်စစ် ရပ်တော်မူ ဘုရား နှစ်ဆူမြစ်အောက်မှာ တစ်ကယ်ရှိသလား

ရန်ကုန်မြစ်ဝတွင် နစ်မြုပ်လျှက်ရှိသော ဓမ္မစေတီမင်းကြီး သွန်းလုပ်ခဲ့သည့် အ၀ ၈ တောင် ဇောက် ၁၂ တောင်၊ အလေးချိန် ပိဿ ၁၈၀၀၀၀ ရှိသော ခေါင်းလောင်းကြီးအား ခရစ်နှစ် ၁၆၁၂ ခုနှစ်တွင် ပေါ်တူဂီလူမျိုး ဒီဘရစ်တို(ခ) ငဇင်ကာက ကျိုချက်၍ လက်နက်ပြုလုပ်ရန် အတွက် သံလျှင်သို့ သယ်ယူရာတွင် ရန်ကုန်မြစ်ထဲသို့ နစ်မြုပ်ခဲ့သည်ဟု သမိုင်းတွင် ဖော်ပြထားသည်။ ယင်းခေါင်းလောင်းကြီး နှင့်အတူ ဥာဏ်တော် ၇တောင်ရှိပြီး ရွှေသားစစ်စစ်ဖြင့် သွန်းလုပ်ထားသည့် ဘုရား နှစ်ဆူနှင့် တန်ဖိုးကြီး ရှေးဟောင် ပစ္စည်းများ ပါဝင်သော သေတ္တာ ၁၁လုံးလည်း အတူနစ်မြုပ်သွားခဲ့သည်ဟု သတင်းများ ထွက်ပေါ်ခဲ့သည်။

ထိုကိစ္စနှင့် ပတ်သက်၍ မွန် သမိုင်းသုတေသန တွဲဖက် အတွင်းရေးမှူး ဦးနိုင်ရဲဇော်မှ ဤကိစ္စမှာ ဖြစ်တန်ချေနည်းပါးကြောင်း၊ 7 Days သတင်းစာသို့ ထုတ်ဖော် ပြောဆိုခဲ့သလို မြန်မာနိုင်ငံ ရှေးဟောင်း သုတေသနနှင့် ယဉ်ကျေးမှု ဦးစီးဌာနမှ အငြိမ်းစား အရာရှိကြီး တစ်ဦးကလည်း ယင်းကိစ္စမှာ ပါးစပ်ရာဇ၀င် ဖြစ်နိုင်ကြောင်း၊ ငဇင်ကာမှ ပေါ်တူဂီလူမျိုး ဖြစ်ပြီး ရေကြောင်း ကျွမ်းကျင်သူ တစ်ဦး ဖြစ်သည့်အတွက် ယင်းကဲ့သို့သော တန်ဖိုးကြီး ပစ္စည်းများ နစ်မြုပ်ခဲ့လျှင် ဒီအတိုင်း လက်လျော့၍ လက်ပိုက်ကြည့်နေပြီး ပြန်သွားမယ့် လူမျိုး မဖြစ်နိုင်ကြောင်း ဝေဖန်ပြောကြားခဲ့သည်။

 

Category: 

Share