အောင်စာရင်း နှစ်ကြိမ် ထွက်ခဲ့လေသလား - အိမ့်ယွန်း

မြန်မာ့နိုင်ငံ၏ အနာဂတ်ကို ပုံဖော်မည့် လူငယ်များကို အကောင်းဆုံး ထိန်းကျောင်းပေးနိုင်မည့် အဓိက လက်တံတစ်ခုမှာ မြန်မာပညာရေးပင် ဖြစ်သည်ကို အားလုံးသိထားပြီး ဖြစ်သည်။ ပညာရေး အဆင့်မြင့်မှသာ အသိဥာဏ်ပညာအရာ အဆင့်မြင့်နိုင်မှာ ဖြစ်ပြီး သူများထက် မနိမ့်ကျသော နိုင်ငံ တစ်ခုကို ထူထောင်နိုင်လိမ့်မည် ဖြစ်သည်။

သို့သော် မြန်မာနိုင်ငံ၏ ပညာရေးတွင် အချိုးကွေ့များစွာ ဖြစ်ပေါ်နေချိန်တွင် ပညာရေးစနစ်မှာလည်း မှောက်ချင်မှောက် လှန်ချင်လှန် လုပ်လိုသူများ၏ လက်ထဲတွင် အခြေနေပေါင်းများစွာ ပြောင်းလဲလို့နေသည်။ ယင်းအခြေနေများထဲတွင် တနင်္သာရီတိုင်း ဒေသကြီး၊ ထားဝယ်မြို့တွင် ဖြစ်ပွား ခဲ့သော အောင်စာရင်း ပြင်ဆင်သည့် ကိစ္စတစ်ခုကတော့ အတော်လေးကို သိသာထင်ရှားလွန်းတဲ့ ကျူးလွန်မှု တစ်ခုလို့ မြင်မိပါသည်။

ယင်းဖြစ်ရပ်ကတော့ ထားဝယ်မြို့မှာ ဖြစ်ပွားခဲ့တာ ဖြစ်ပြီး ၂၀၁၄-၂၀၁၅ ပညာသင်နှစ် အတွက် လုပ်ငန်းခွင်အကြို ဆရာအတတ်သင် ပညာကျွမ်းကျင်မှု ဒီပလိုမာ သင်တန်း (DTEC) တတ်ရောက်ရန် ရွေးချယ်ထား ထုတ်ပြန်ထားသည့် အောင်စာရင်းမှာ ရက်ပိုင်းအတွင်းမှာပင် အပြောင်းလဲ ဖြစ်ပွားခဲ့ခြင်း ဖြစ်သည်။ တနင်္သာရီတိုင်း ဒေသကြီးမှ ထားဝယ် ပညာရေး ကောလိပ်တွင် ဆရာအတတ်သင် တတ်ရောက်ရန် ထုတ်ပြန်သည့် ပထမ အကြိမ် အောင်စာရင်းတွင် နာမည်ပါခဲ့သူ တစ်ဦးထံသို့ ရက်ပိုင်းလေး အတွင်းမှာပင် သင်တန်း တတ်ရောက်ရန် အကြောင်းကြားခြင်းအား ပယ်ဖျက်ခြင်း အကြောင်းကြားစာ နှင့်အတူ အခြားသူ နာမည်တစ်ဦး အစားဝင်ရောက်နေပြီး ဖြစ်တဲ့  အောင်စာရင်း နောက်တစ်ခုကိုလည်း အံ့အားသင့်ဖွယ် ထပ်မံ ထုတ်ပြန်ထားသည်ကို သိရှိခဲ့ရသည်။ ဒါဟာမြန်မာ့ ပညာရေး လောကမှာ အင်မတန်မှကို ရုပ်ပျက်လွန်းတဲ့၊ သိသာထင်ရှားတဲ့ အပြောင်းလဲ အခြေနေ တစ်ခု ဖြစ်စေခဲ့သည်။ ယင်းဖြစ်ရပ် အတွက်လည်း ပြည်သူများ အကြားတွင် အောင်စာရင်းဆိုတာ နှစ်ကြိမ်ထွက် တတ်သလား အောင်စာရင်းမှာ အမည်ပါတိုင်း အောင်တယ်လို့ ယုံကြည်လို့ မရနိုင်ဘူးလား အစရှိသည့် မေးခွန်းများ မေးစရာ ဖြစ်လာခဲ့သည်။ ဒါဟာဘာကြောင့် မှားယွင်းရတယ် ဆိုသည့် အချက်နှင့် အဖြေကိုတော့ တနင်္သာရီတိုင်း ဒေသကြီးမှ ပညာရေး တာဝန်ရှိသူ လူကြီးမင်းများ အလျင်မြန် အဖြေရှာသင့်နေပြီ ဖြစ်သည်။

အောင်စာရင်း အပြောင်းအလဲကြောင့် လူးလဲအောင် ခံစားလိုက်ရသော ဆရာအတတ်သင် တက်မည့်သူမှာ သူ၏ မူလ အောင်စာရင်းတွင်ပါသော မူလ အမည်ကို အကြောင်းပြုပြီး အကြိမ်ကြိမ် ကြိုးစားအားထုတ်ရာမှ ထားဝယ် ပညာရေး ကောလိပ်တွင် ဆရာအတတ်သင် တတ်ရောက်ခွင့် ပြန်လည် ရရှိသွားခဲ့ပြီ ဖြစ်သည်။ သို့သော် ယင်းသို့ အမှားမျိုးမှာ လုံးဝ မမှားသင့်သော အမှားများ ဖြစ်ကာ မြန်မာ့ပညာရေး လောကမှာလည်း အမဲစက် တစ်ခု စွန်းထင်ခဲ့ပြီ ဖြစ်သည်။

မြန်မာ့ပညာရေး လောကတွင် တက္ကသိုလ်ဝင်တန်း အောင်စာရင်းများနှင့် ပတ်သတ်၍လည်း ရုပ်ဆိုးစွာ ဖြစ်ပွားခဲ့သည့် ကိစ္စများစွာလည်း ရှိခဲ့ဖူးပြီး ဖြစ်သည်။ သို့သော် ပညာရေး ပြုပြင် ပြောင်းလဲမှုများနှင့် တာဝန် ထမ်းဆောင်သူများ အဆင့်ဆင့်  ပြုပြင် ပြောင်းလဲမှုများအရ အောင်စာရင်းတွင် လာဒ်ပေးလာဒ်ယူ ကိစ္စများစွာ ပပျောက်ခဲ့ပြီးလည်း ဖြစ်သည်။ သို့သော် ယခုကဲ့သို့ ဖြစ်ရပ်မျိုး အကြိမ်ကြိမ် ဖြစ်ပွားလာပါက  ပညာရေး လောကကို အထင်မြင် သေးစရာ၊ ထောက်ပြ ရှုံ့ချစရာ တစ်ခုကဲ့သို့ ဖြစ်လာမည်ကိုလည်း စိုးရိမ်မိပါသည်။ သို့ဖြစ်ပါ၍ လူငယ်များကို လမ်းညွန်ပေးမည့်၊ လမ်းမှန် ပြသပေးမည့် မြန်မာ့ပညာရေးမှာ မယိုင်မလဲ မှန်ကန်ဆဲ ဖြစ်ကြောင်း သက်သေပြု ထူထောင်နိုင်ကြပါစေလို့ ရည်ရွယ်ရင်း ယခုဆောင်းပါးကို ရေးသား လိုက်ရပါသည်။

အိမ့်ယွန်း

 

Category: 

Share