၁၉၈၂ ခုနှစ်တွင် ပြဋ္ဌာန်းခဲ့သော ဥပဒေနှင့်ညီပါက နိုင်ငံသားဖြစ်ခွင့်ရှိသလို မညီပါက နိုင်ငံအတွင်း နေထိုင်ခွင့် မရှိဟု ဆရာတော် ဦးဝီရသူမိန့်ကြား

မြန်မာနိုင်ငံအတွင်း ၁၉၈၂ ခုနှစ်တွင် ပြဋ္ဌာန်းခဲ့သော နိုင်ငံသား အက်ဥပဒေနှင့် ညီပါက နိုင်ငံသား အဖြစ် လက်ခံပေးသင့်သလို မညီပါက နိုင်ငံထဲတွင် ထားခွင့်မရှိကြောင်းကို ဆရာတော် ဦးဝီရသူမှ စက်တင်ဘာ ၂၃ရက်တွင် ပေါင်းတည်မြို့တွင် ကျင်းပသော မျိုးစောင့်ဥပဒေ ခံယူပွဲတွင် မိန့်ကြားခဲ့သည်။

“ဦးဇင်းတို့က ၁၉၈၂ ခုနှစ်က မြန်မာနိုင်ငံမှာ ထုတ်ပြန်ထားတဲ့ နိုင်ငံသားဖြစ်ခွင့် ဥပဒေနဲ့ညီတဲ့ ဘာသာခြားတွေကို နိုင်ငံသား အဖြစ်နဲ့ လက်ခံတာကို ဘာမှမပြောလိုပါဘူး။ ထောက်လည်း ထောက်ခံပါတယ်။ ဒါပေမဲ့ ဥပဒေနဲ့ မညီတဲ့သူတွေကိုတော့ နိုင်ငံသားဖြစ်ခွင့် မရှိတဲ့အပြင် ဒီနိုင်ငံမှာပါ ဆက်နေခွင့်ပေးလို့ မရပါဘူး။ ဒီက အစိုးရ အဖွဲ့အစည်းတွေ အနေနဲ့ ပြတ်ပြတ်သားသား ဆုံးဖြတ်ဖို့ လိုပါတယ်”ဟု ဆရာတော် ဦးဝီရသူမှ မိန့်ကြားခဲ့သည်။

စက်တင်ဘာ တတိယပတ် အတွင်း ရခိုင်ပြည်နယ်အတွင်း နေထိုင်နေသော ဘာသာခြား အချို့အား လ၀ကမှ နိုင်ငံသား ခံယူခွင့် နိုင်ငံသား စိစစ်ရေး ကတ်ပြားများ ထုတ်ပေးခဲ့ခြင်းအပေါ် အမျိုးဘာသာ သာသနာ စောင့်ရှောက်ရေး အဖွဲ့ ဆရာတော်မှ ယခုလို မိန့်ကြားခဲ့ခြင်း ဖြစ်သည်။

 

Category: 

Share