မိမိနှင့် မိမိအဖွဲ့အစည်းပေါ် ဝေဖန်ခြင်း

မြန်မာနိုင်ငံတွင် လွန်ခဲ့သော နှစ်ပေါင်းများစွာကပင် တစ်ပါးသူနှင့် တစ်ပါး အဖွဲ့အစည်း အပေါ် ပြန်လည် ဝေဖန်ခြင်း အလေ့အထများ ထွန်းကားလာလျက်ရှိကြောင်း ယခုကဏ္ဍသည် မိမိနှင့်မိမိ၏ အဖွဲ့အစည်း အပေါ် ပြန်လည်ဝေဖန်ခြင်း အလေ့အထများ ပေါ်ပေါက်လာစေရန် ရည်ရွယ်၍ ဖွင့်လှစ်ကဏ္ဍ တစ်ရပ်ဖြစ်သည်။ ထို့ပြင် မိမိနှင့် မိမိအဖွဲ့အစည်း အပေါ် ပြန်လည် ဝေဖန်ခြင်းသည် တိုးတက်မှု အတွက် အထောက်အပံ့ ဖြစ်စေရုံ သာမက ပွင့်လင်းမြင်သာမှု ရှိစေသည့် အတွက် ယင်းဓလေ့များ မြန်မာတစ်နိုင်ငံလုံး၌ ပိုမိုကျယ် ပြန့်လာစေရန် ရည်ရွယ်၍ တင်ဆက်လိုက်ရပါသည်။ (အယ်ဒီတာအဖွဲ့)

ယခုတစ်ပါတ်တွင် မိမိ၏အဖွဲ့ အပေါ်ပြန်လည် ဝေဖန်ခြင်း အဖြစ် တိုင်းရင်းသား စည်းလုံး ညီညွတ်ရေး ပါတီ (တစည) ပြောရေးဆိုခွင့်ရှိသူ တစ်ဦးမှ ပါတီနှင့် ပတ်သက်၍ ၄င်းအားမရသည်များကို ပြန်လည် ဝေဖန်ထားချက်များကို ဖော်ပြလိုက်ပါသည်။

ပါတီသည် စည်းလုံးရေး စဉ်ဆက်မပြက်လုပ်၍ ဗဟိုအဆင့်မှ ကျေးရွာအဆင့်ထိ ဖွဲ့စည်းရာတွင် မြို့နယ်အဆင့်ထိ စနစ်တကျ ဖွဲ့စည်းနိုင်သော်လည်း ရပ်ကွက်အဆင့်၊ ကျေးရွာအဆင့် အထိ ဖွဲ့စည်းခြင်းကို ပီပီပြင်ပြင် မလုပ်ဆောင် နိုင်သေးပါ။

မြို့နယ်အဆင့်တွေက ပြည်သူတွေနဲ့ ထိတွေ့မှု အားနည်းလျက် ရှိသည်။ ပါတီအနေနဲ့ ဗဟိုကနေ အောက်ခြေမြို့နယ် အထိ ရန်ပုံငွေဖြည့်ဆည်း ပေးနိုင်မှု အားနည်းနေပါသည်။ ဒါကြောင့် ရပ်ကွက်၊ ကျေးရွာအထိ မဆင်း နိုင်သေးဘဲ ပြည်သူတွေနဲ့ ထိတွေ့မှု အားနည်းသွားသည်။

လူငယ်တွေနှင့် ပတ်သက်ပြီး တက်တက်ကြွကြွ လှုပ်ရှား ဆောင်ရွက်နိုင်သည်ဟု ခံယူပြီး ယင်းလှုပ်ရှားမှု ဟူသမျှသည် ငွေရေး ကြေးရေးသည် ကင်းလို့ မရပါ။ ပါတီ အနေဖြင့် အလယ်အလတ် လောက်သာ ဖြည့်ဆည်း ပေးနိုင်သည့် အတွက် လူငယ် စည်းရုံးရေး အတွက် ခက်ခဲနေသည်။ တခြား ပါတီများသည် လူငယ်တွေနှင့် ပတ်သက်၍ ငွေကြေးပိုင်း ပိုမိုဖြည့်တင်းနိုင်သည့် အခြေအနေ ရှိသည်။ ထို့ကြောင့် ပါတီအနေဖြင့် လူငယ်စည်းလုံးရေးတွင် တခြား ပါတီများထက် အားနည်းလျက် ရှိသည်။

 

Category: 

Share