လန်ဒန် စီးကရက်ကို ဘယ်လို အရေးယူကြမလဲ

မြန်မာနိုင်ငံတွင် ထုတ်လုပ် ဖြန့်ချီနေသော လန်ဒန် စီးကရက်မှ ထွက်ရှိသည့် စီးကရက် (၉၀)ရာခိုင်နှုန်းမှာ ပြည်ပသို့ တင်ပို့ရမည့် အရေအတွက် ဖြစ်သော်လည်း ယခု ၂၀၁၃-၁၄ ဘဏ္ဍာရေး နှစ်ကုန်ဆုံးတော့မည့် နောက်ဆုံးလ ဖြစ်သော မတ်လ ပထမပတ် အထိ လန်ဒန် စီးကရက်သည် ပြည်ပသို့ တင်ပို့ ရောင်းချမှု လုံးဝမရှိကြောင်း စောင့်ကြည့် လေ့လာ သူများ၏ ပြောကြားချက် အရ သိရသည်။

ယခု ၂၀၁၃-၁၄ ဘဏ္ဍာနှစ် အတွင်း လန်ဒန် စီးကရက်သည် ပြည်တွင်းတွင် စီးကရက် ပုံးပေါင်း(၁၁၄၀၀၀) ဖြန့်ချိရန် ကုန်သွယ်ခွန် တံဆိပ်ခေါင်းများ ၀ယ်ယူပြီး ဖြန့်ချီလျှက်ရှိသည်။ မြန်မာနိုင်ငံရ င်းနှီးမြှုတ်နှံမှု ကော်မရှင်၏ ခွင့်ပြချက်တွင် လန်ဒန် စီးကရက်သည် ပြည်ပ ရင်းနှီးမြှုတ်နှံမှု ၉၇ရာခိုင် နှုန်း ပြည်တွင်း မှ ၃ ရာခိုင်နှုန်းသာ ပါသဖြင့် ထွက်ရှိသော စီးကရက်၏ ၁၀ရာခိုင်နှုန်းသာ ပြည်တွင်းတွင် ရောင်းချခွင့်ရှိပြီး ၉၀ရာခိုင်နှုန်းမှာ ပြည်ပသို့ တင်ပို့ရမည် ဖြစ်သည်။

၂၀၁၃- ၁၄ ဘဏ္ဍာနှစ် အတွင်း ပြည်ပသို့ တင်ပို့ရမည့် စီးကရက်မှာ ပုံးပေါင်း တစ်သန်းကျော် (၁၀၂၆၀၀၀) ဖြစ်သည်။ သို့သော် ဘဏ္ဍာရေးနှစ် ကုန်ဆုံးတော့မည့် နောက်ဆုံးလဖြစ်သော မတ်လ ပထမပတ် အထိ လန်ဒန် စီးကရက်သည် ပြည်ပ သို့ တင်ပို့ရောင်းချမှု လုံးဝမရှိသည်ကို စောင့်ကြည့်တွေ့ ရှိရသောကြောင့် လန်ဒန်စီးကရက်သည် ပြည်ပသို့ ပို့ရမည့် ပုံးပေါင်း တစ်သန်းကျော်ကို ပြည်တွင်း၌ပင် ရောင်းချခဲ့ကြောင်း ထင်ရှားနေသည်ဟုလည်း သိရသည်။

ဤသို့ ရောင်းချလိုက်သဖြင့် မြန်မာနိုင်ငံ ရင်းနှီးမြှုတ်နှံမှု ကော်မရှင်၏ ခွင့်ပြုချက် စည်းမျဉ်းစည်းကမ်း များကို ချိုးဖောက် ခြင်း ဖြစ်သလို ကုန်သွယ်ခွန် မဆောင်ပဲ ပြည်တွင်းတွင် စီးကရက်ပုံးပေါင်း တစ်သန်းကျော် ဖြန့်သဖြင့် နိုင်ငံတော် အတွက် လန်ဒန် စီးကရက်ပေါ်မှ ရမည့် ကုန်သွယ်ခွန် တစ်ခုတည်းကပင် ကျပ်၅.၁ဘီလျံ(ကျပ်သန်း ထောင်ပေါင်း ၅၁၃၀) နစ်နာသွားကြောင်း တွေ့ရှိရသည်။ ထို့ကြောင့် ဘဏ္ဍာရေး ၀န်ကြီးဌာန၊ အခွန် စည်းကြတ်ရေး ကော်မတီနှင့် မြန်မာနိုင်ငံ ရင်းနှီး မြှုတ်နှံမှု ကော်မရှင် တို့အနေဖြင့် လန်ဒန် စီးကရက်ကို မည်သို့ အရေးယူမည်ကို မီဒီယာက စောင့်ကြည့်လျှက် ရှိသည်။

မည်သို့မှ အရေးမယူပါက အဆိုပါ စီးကရက်ကို ပြည်တွင်းတွင် ထုတ်လုပ်ရန် ခွင့်ပြုစဉ်ကပင် ထိုစဉ်က မြန်မာနိုင်ငံ ရင်းနှီးမြှုတ်နှံမှု ကော်မရှင် ဥက္ကဋ္ဌ အငြိမ်းစား ဒုတိယ ဗိုလ်ချုပ်ကြီး စိုးသိန်း အနေဖြင့် ရိုးသားစွာ ခွင့်ပြုခဲ့ခြင်း ဟုတ်မဟုတ် ပြန်လည် စစ်ဆေးသင့်ကြောင်း စီးပွားရေး လုပ်ငန်းရှင်များက လိုလားနေကြကြောင်း သိရသည်။

 

Category: 

Share