သင်ရိုးညွန်းတမ်းအတွက် ကျူရှင်ယူနေရသည့်အပေါ် ပြောင်းလဲလိုကြောင်း ပညာရေးဝန်ကြီးမှ ပြောကြား

မြန်မာနိုင်ငံ၏ပညာရေးစနစ်တွင် အဓိက အခန်းကဏ္ဍမှ နေရာယူလာသော ကျူရှင်သင်ကြားသည့် စနစ်ရှိနေခြင်းအား ပြောင်းလဲလိုကြောင်း မြန်မာနိုင်ငံ၏ ပထမဆုံးသော အမျိုးသမီး ပညာရေးဝန်ကြီးဖြစ်သူ ဒေါက်တာဒေါ်ခင် စန်းရီက ပြောကြားခဲ့သည်။

“ကျူရှင်ယူရတဲ့ ပညာရေးစနစ်ကို မကြိုက်ပါဘူး။ ပညာရေးဝန်ကြီးအနေနဲ့ အခုမှစပြီး တာဝန်ယူရတာမို့ ပညာရေး ဆိုင်ရာ မူဝါဒတွေနဲ့ ပါတ်သတ်ပြီးတော့ ပြောဖို့ စောသေးတယ်လို့ထင်ပါတယ်။ကျူရှင်ယူရတဲ့ စနစ်ကိုတော့ပြောင်းလဲလို ပါတယ်။ ကိုယ့်ရဲ့ခံယူချက်အရဆိုရင် သူများထက်ပိုတော်ဖို့ ကျူရှင်ယူတာကို လက်ခံပေမယ့် သတ်မှတ်ထားတဲ့ သင်ရိုး ညွန်းတမ်းအတိုင်းတတ်မြောက်ဖို့ ကျူရှင် ယူရတာကိုတော့ လက်မခံနိုင်ပါဘူး” ဟု ပညာရေးဝန်ကြီးဖြစ်သူ ဒေါက်တာ ဒေါ်ခင်စန်းရီက ပြောကြားခဲ့သည်။

မြန်မာနိုင်ငံ၏ ပညာရေး စနစ်မှာ-၂၀၀၀ ပြည့်နှစ်ခန့်လောက်မှစ၍ အရှိန် အဟုန်ဖြင့် ဖွံ့ဖြိုးတိုးတတ်လာကာ  သူငယ်တန်း အရွယ်ကလေးငယ်မှစကာ ကျူရှင်ယူရသည့် အလေ့အကျင့်များ ဖြစ်ပေါ်လာပြီး ကျူရှင်မယူနိုင်သည့် ကျောင်းသားများနှင့် အချိန်ပိုကျူရှင်ရယူ နိုင်သည့် ကျောင်းသားများအကြား ရရှိသည့် ပညာရေးကွာခြားမှုများမှာလည်း ကျူရှင်ယူသည့် အလေ့အကျင့်အပေါ် ပိုမိုအားပြုလာစေခဲ့ကြောင်းလည်း သိရ သည်။

ယခုအခါတွင် မြန်မာနိုင်ငံ၏ ပညာ ရေးမူဝါဒများလည်း အဆင့်ဆင့် ပြောင်း လဲလာပြီဖြစ်ကာ ပညာရေးဝန်ကြီး အသစ်မှလည်း ပြုပြင်ပြောင်းလဲမှုများ ထပ်မံဆောင်ရွက်သွားလိမ့်မည်ဟု ပညာ ရေး အသိုင်းအ၀ိုင်းမှသုံးသပ်ပြောကြား ပြီး ပညာရေးဝန်ကြီး ဒေါက်တာ ဒေါ်ခင် စန်းရီမှာ ဂျာမန်နိုင်ငံမှ စီးပွားရေး ပါရဂူဘွဲ့ ရရှိခဲ့သူတစ်ဦးဖြစ်ကာရန်ကုန် စီးပွားရေးတက္ကသိုလ် ပါမောက္ခချုပ် တာဝန်ထမ်းဆောင်စဉ် အမျိုးသားစီးပွား ရေးနှင့်စီမံကိန်းဝန်ကြီးဌာန ဒုတိယ၀န်ကြီး အဖြစ် တိုးမြှင့်တာဝန်ပေးခြင်းခံရသူ တစ်ဦးဖြစ်ပြီးပညာရေးဝန်ကြီး ဒေါက်တာ မြအေးကွယ်လွန်သည့်အတွက် လစ်လပ် နေသောပညာရေး ၀န်ကြီးဌာနသို့ တိုး မြှင့်ခန့်ထားခြင်း ခံရသူတစ်ဦးလည်း ဖြစ်ကြောင်း သိရသည်။

Category: 

Share