မြန်မာနိုင်ငံလုံးဆိုင်ရာ စီးပွားရေး ထုတ်ပြန်ချက် စာအုပ် (၁၀၃)ပေါင်ဖြင့် ရောင်းချမည်

နိုင်ငံတော် သမ္မတကြီး ဦးသိန်းစိန်နှင့် အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်တို့ အပါဝင် မြန်မာ တစ်နိုင်ငံလုံးမှ ဆက်သွယ်ရေး၊ စီးပွားရေး ဆိုင်ရာ အကြောင်းအရာများ ပါဝင်မည့် မြန်မာနိုင်ငံလုံးဆိုင်ရာ စီးပွားရေး ထုတ်ပြန်ချက် စာအုပ်အား အုပ်ရေတစ်သိန်း နီးပါးအထိ ထုတ်ဝေသွားမည် ဖြစ်ကြောင်း သိရသည်။

အဆိုပါ မြန်မာနိုင်ငံလုံး ဆိုင်ရာ စီးပွားရေး ထုတ်ပြန်ချက် စာအုပ်ကို ၁၀၃ ပေါင်ဖြင့် ရောင်းချသွား မည် ဖြစ်ကာ အုပ်ရေ (၇) သောင်း မှ တစ်သိန်း အထိ ထုတ်ဝေသွားမည် ဖြစ်ကြောင်းနှင့် ယင်းစာအုပ်အား Oxford Business Group မှ ထုတ်ဝေမည်ဖြစ်သည်။

ထိုစာအုပ်နှင့် ပတ်သက်၍ The Launcher Of The Report Myanmar 2014 အား ဖေဖော်ဝါရီ လ (၂၈) ရက်တွင် နေပြည်တော် (MICC) တွင် ပြုလုပ်ခဲ့ကာ ယင်းပွဲသို့ မြန်မာနိုင်ငံမှ နိုင်ငံတော် သမ္မတ ဦးသိန်းစိန်နှင့် သက်ဆိုင်ရာ ဌာနများမှ တာဝန်ရှိသူများ တက်ရောက်ခဲ့ကြကာ Oxford Business Group မှ တာဝန်ရှိသူများလည်း တက်ရောက်ခဲ့ကြကြောင်း သိရသည်။

ပွဲတွင် တတ်ရောက်လာသူ  Oxford Business Groupမှ Regional Editor ၊ Mr. Paulius Kuncinas က “အခက်အခဲတွေ ကတော့ အများကြီးရှိတယ်၊ နိုင်ငံတစ်နိုင်ငံရဲ့ ရင်နှီးမြုပ်နှံမှု အတွက် သတိကြီးနဲ့ ဆောင်ရွက်နေရတယ်၊ ရှိနေတဲ့ လုပ်သား အင်းအားကတော့ အာရှနိုင်ငံတွေထဲမှာတော့ အကောင်းဆုံး အနေအထားမှာ ရှိပါတယ်၊ ဒါပေမယ့် ပညာရပ်ဆိုင်ရာ အားနည်းချက်တွေ ရှိနေတော့ ငွေကြေးနဲ့ ရင်နှီးတဲ့ အပိုင်းတွေမှာ စိန် ခေါ်မှုတွေ ကတော့ ရှိပါတယ်”ဟု ပြောခဲ့သည်။        

 

Category: 

Share