News

မြန်မာနိုင်ငံတွင် ၀န်ထမ်း ၅၀နှင့်အထက်ခန့်နိုင်သော မြန်မာကုမ္ပဏီနှစ်ရာခိုင်နှုန်းသာရှိ

ဝန်ထမ်း ၅၀ နှင့်အထက် ခန့်နိုင်သော မြန်မာကုမ္ပဏီနှစ်ရာခိုင်နှုန်းသာရှိကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ ညွှန်ကြားရေးမှုးချုပ် ဦးအောင်နိုင်ဦးက ပြောသည်။

မြန်မာနိုင်ငံတွင် လုပ်ကိုင်ကြသော လုပ်ငန်းအများစုတွင် လုပ်ငန်းငယ်များသဖြင့် ယင်းသို့ ၀န်ထမ်း ၅၀နှင့် အထက်ခန့်နိုင်မှု ရာခိုင်နှုန်းနည်းပါးရခြင်းဖြစ်ကြောင်း သိရသည်။
ယင်းရာခိုင်နှုန်းသည် ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနတွင် မှတ်ပုံတင်ထားသော ကုမ္ပဏီများ စာရင်းအရဖြစ်ကြောင်း သိရသည်။

အငှားယာဉ်အစီးရေ လျှော့ချနိုင်ရေး ဆွေးနွေးနေ

ရန်ကုန်တိုင်းဒေသကြီးအတွင်း ပြေးဆွဲနေသည့် အငှားယာဉ်များကို အစီးရေလျှော့ချနိုင်ရေးအတွက် တိုင်းဒေသကြီးအစိုးရနှင့် ဆွေးနွေးညှိနှိုင်းမှုများ ပြုလုပ်နေကြောင်း ကုန်းလမ်းပို့ဆောင်ရေး ညွှန်ကြားမှုဦးစီးဌာန (မြင်သာ)မှ သိရသည်။

ကညန(မြင်သာ)တွင် မှတ်ပုံတင်ထားသည့် အငှားယာဉ်အစီးရေ ၆၅၇၃၅ စီး ရှိနေပြီး JICA ၏ စာရင်း ကောက်ယူမှုအရ မြို့နေလူဦးရေ ၂ ဒသမ ၅ သန်းတွင် ၂၀ ရာခိုင်နှုန်းသာ အငှားယာဉ်ကို အသုံးပြုနေခြင်း ဖြစ်ပြီး ကျန်သည့် ၈၀ ရာခိုင်နှုန်းမှာ ဘတ်စ်ကားစနစ်ကိုသာ အသုံးပြုနေကြောင်းသိရသည်။ အချိုးကျ တွက်ချက်မှုအရ မြို့နေလူဦးရေထက် အငှားယာဉ်အစီးရေ များပြားနေခြင်းဖြစ်သည်။

မြို့ပတ်ရထားများ အမြန်နှုန်းမြှင့်ပြေးဆွဲရန် အဆင့်မြှင့်တင်စီမံကိန်း ၂၀၁၉ တွင် စတင်သွားမည်

ရန်ကုန်မြို့ပတ်ရထားများ မြန်နှုန်းမြှင့်ပြေးဆွဲမှု အဆင့်မြှင့်တင်ရေးစီမံကိန်းကို ၂၀၁၉ ခုနှစ်တွင် စတင်မည် ဖြစ်ကြောင်း မြန်မာ့မီးရထား အင်ဂျင်နီယာဌာနနှင့်စီမံဌာနမှ သိရှိရသည်။

“အစကတော့ မြို့ပတ်ရထားပြေးဆွဲမှု အဆင့်မြှင့်တင်ရေးကို ၂၀၁၇-၁၈ ဘဏ္ဍာနှစ်အတွင်းမှာ စတင်ဖို့ ရည်ရွယ်ထားပေမယ့် အဲဒီနှစ်တွေမှာ အခြေခံလုပ်ငန်းတွေပဲ ပြီးမှာဖြစ်တဲ့အတွက် ၂၀၁၈-၁၉ ဘဏ္ဍာနှစ်ကျမှ သာ ရထားတွဲအသစ်တွေနဲ့ မြန်နှုန်းမြှင့်တင်နိုင်မယ့်အဆင့်ကို ရောက်လာမှာပါ“ဟု မြန်မာ့မီးရထား အင်ဂျင်နီယာဌာနနှင့် စီမံဌာနမှ တာဝန်ရှိသူတစ်ဦးက ပြောကြားခဲ့သည်။

ရွှေတိဂုံစေတီတော်ကို ကမ္ဘာ့အမွေအနှစ်စာရင်းဝင် ဖြစ်စေရန် ၂၀၁၉ တွင် ယူနက်စကိုသို့တင်သွင်းမည်

လာမည့် ၂၀၁၉ ခုနှစ်တွင် ရွှေတိဂုံစေတီတော်ကို ကမ္ဘာ့အမွေအနှစ်အဖြစ် စာရင်းသွင်းနိုင်ရန် တင်သွင်း သွားမည်ဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက အမျိုးသားလွှတ်တော် အစည်းအဝေးတွင် ပြောကြားသည်။

ရွေးကောက်ပွဲကော်မရှင် အဖွဲ့ခွဲဝင်များအား ချီးမြှင့်ငွေ ပြန်လည်ပေးအပ်ရန်မရှိဟုဆို

ပြီးခဲ့သည့် ၂၀၁၅ ခုနှစ်တွင် ကျင်းပပြုလုပ်ခဲ့သည့် အထွေထွေရွေးကောက်ပွဲတွင် ပါဝင်ဆောင်ရွက်ခဲ့သည့် ရွေးကောက်ပွဲကော်မရှင်အဖွဲ့ဝင်များအား ချီးမြှင့်ငွေ ပြန်လည်ပေးအပ်ရန်မရှိကြောင်း ပြည်ထောင်စုရွေးကောက် ပွဲကော်မရှင်အဖွဲ့ဝင်ဦးလှတင့်က ပြောသည်။

လိုင်စင်မဲ့ယာဉ်များ သိမ်းဆည်းမှု နှစ်နှစ်အတွင်း အစီးရေ ၂၀၀ နီးပါးရှိ

ရန်ကုန်တိုင်းဒေသကြီးအတွင်း လိုင်စင်မဲ့ယာဉ်များကိုဖမ်းဆီး၍ နိုင်ငံတော်ဘဏ္ဍာအဖြစ် သိမ်းဆည်းခဲ့သည့် ယာဉ်အစီးရေသည် နှစ်နှစ်တာကာလအတွင်း အစီးရေ ၂၀၀ နီးပါးရှိကြောင်း အမှတ်(၂)ယာဉ်ထိန်းရဲတပ်ဖွဲ့ရုံးမှ တာဝန်ရှိသူတစ်ဦးက ပြောသည်။

ရွှေတိဂုံစေတီတော်အနီး ပျံသန်းသော ဒရုန်းများကို လုံခြုံရေးအရ ပစ်ချထိန်းသိမ်း

ရွှေတိဂုံစေတီတော်အနီးတွင် ဒရုန်းဖြင့် ဓာတ်ပုံရိုက်ကူးမှုများကို အစ္စရေးနိုင်ငံထုတ် Anti 7 Drone ဖြင့် ပစ်ချထိန်းသိမ်းမှုများ ပြုလုပ်လျက်ရှိကြောင်း အမှတ် (၂) လုံခြုံရေးနှင့်ကွပ်ကဲရေးမှူးရုံးမှ သိရသည်။

“ဘုရားလုံခြုံရေးအတွက် ဒရုန်းတွေကို Anti 7 Drone နဲ့ ပစ်ချထိန်းသိမ်းတာတွေကို အရှိန်မြှင့်ပြီး ပြုလုပ်နေ ပါတယ်။ ဒီ Anti 7 Drone တွေက ပျံသန်းလာတဲ့ Drone ယာဉ်တွေကို အောက်ကိုချလိုက်တာပါ။ ဖျက်ဆီးလိုက်တာမျိုးမဟုတ်ပါဘူး”ဟု အမှတ် (၂) လုံခြုံရေးနှင့် ကွပ်ကဲရေးမှူးရုံးမှ ရဲအရာရှိတစ်ဦးက ပြော သည်။

နံနက်ဈေးနှင့် ညဈေးတန်းအသစ်များ ထပ်မံဖော်ဆောင်လျှက်ရှိ

ရန်ကုန်မြို့တော် စည်ပင်သာယာရေးကော်မတီမှ နံနက်ဈေးနှင့် ညဈေးတန်းများ ထပ်မံဖော်ဆောင်လျက် ရှိကြောင်း အဆိုပါကော်မတီ၏ ဈေးများဌာနမှ သိရသည်။

“ဆိုင်ခန်းနေရာတွေအတွက် လျှောက်လွှာတွေကိုတော့ အခုလထဲမှာ ထုတ်ပေးမှာပါ။ ပြီးရင်တော့ နောက်ဆုံးရက်ကို ထပ်ကြေညာပါမယ်။ ဈေးနေရာချထားမှုနဲ့ ပတ်သက်ပြီးတော့ လွှတ်တော်ကိုယ်စားလှယ်တွေ က စိစစ်မှာပါ”ဟု ရန်ကုန်မြို့တော်စည်ပင်သာယာရေးကော်မတီဈေးများဌာနမှ တာဝန်ရှိသူတစ်ဦးကပြောသည်။

နာဂဒေသတွင် ချောင်းဆိုးရောဂါကြောင့် နှစ်လအတွင်း လူ ၁၄ ဦး သေဆုံးခြင်းသည် ကူးစက်ရောဂါမဟုတ်ဟုဆို

နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့နယ်တွင် ချောင်းဆိုးရောဂါတစ်ခုကြောင့် နှစ်လအတွင်း အသက်အရွယ်မျိုးစုံ လူ ၁၄ ဦးသေဆုံးခြင်းသည် ကူးစက်ရောဂါတစ်မျိုးမဟုတ်ကြောင်း လဟယ်မြို့နယ်ဆေးရုံမှ ဆရာဝန်တစ်ဦးက ပြောသည်။

“ဒီရောဂါကြောင့် လူ ၁၄ ဦး သေဆုံးတယ်ဆိုတာကမှန်ပါတယ်။ ရောဂါလက္ခဏာကတော့ ချောင်းဆိုးတာ၊ ရင်ဘတ်အောင့်တာ၊ ခေါင်းကိုက်တာတို့ဖြစ်ပြီး သေဆုံးမှုက ရုတ်တရက်သေဆုံးတာ မဟုတ်ဘဲနဲ့ နှစ်လခန့်ကြာမှ သေဆုံးခဲ့တာတွေဖြစ်ပါတယ်။ ရောဂါ ရဲ့ စစ်ဆေးတွေ့ရှိချက်ကတော့ ကူးစက်ရောဂါမဟုတ်ပါဘူး”ဟု လဟယ်မြို့နယ်ဆေးရုံမှ ဆရာဝန်တစ်ဦးက ပြောသည်။

အချိန်မတော် အိမ်ပေါ်တက်ရောက်လာသည့် ကိုရင်လေးကို ၀ိုင်းဝန်းဖမ်းဆီးခဲ့သည့် အိမ်ရှင်မိသားစုအပါအ၀င် ဖမ်းဆီးသူများအား ပုဒ်မခြောက်ခုဖြင့် တရားစွဲ

ကိုရင်တစ်ဦး ညအချိန်မတော် အိမ်ပေါ်တက်ရောက်လာခြင်းကြောင့် ရဲစခန်းသို့ အပ်ခဲ့သည့် အိမ်ရှင်လင်မယားအပါအ၀င် ၀ိုင်းဝန်းဖမ်းဆီးခဲ့သူများကို အဖွဲ့အစည်းသုံးဖွဲ့က ပုဒ်မခြောက်ခုဖြင့် ပြန်လည်တရားစွဲခဲ့ကြောင်း သိရသည်။

ယင်းကဲ့သို့တရားစွဲခဲ့သည့်အတွက် အိမ်ရှင်အပါအ၀င် ၀ိုင်းဝန်းဖမ်းဆီးခဲ့သူများ စုပေါင်းကာ မတ် ၅ ရက်က ၂၀/၅၄ အနောက်သံဒင်ရွာတောင်တွင် သတင်းစာရှင်းလင်းပွဲ ပြုလုပ်ခဲ့ကြောင်း အိမ်ရှင်ဒေါ်မြမြအေး၏ ညီမဖြစ်သူ မမိုးမိုးအောင်၏ ပြောပြချက်အရသည်။

Pages